Македонската ракометна репрезентација синоќа во Доха, Катар ја дочека автобус на кој било испишана ставката FYR пред државата Македонија.
Претставници од нашата делегација одбиле да се возат во брендираниот автобус во Катар, и по реакцијата до организаторите, буквите FYR пред името на државата веднаш биле покриени со хартија.
Организаторите дале ветување до претставниците на националната селекција дека грешката ќе биде корегирана во текот на денешниот ден.
Македонија беше извлечена во групата Б, од СП во ракомет во Катар заедно со репрезентациите на Хрватска, Босна и Херцеговина, Австрија, Тунис и Иран.
Првиот натпревар Македонија ќе го одигра на 16-ти јануари против селекцијата на Тунис.