По елиминацијата од СП во Катар, капитенот на македонската ракометна репрезентација Кирил Лазаров видно разочаран го прокоментира поразот на Македонија од Словенија во осминафиналето на Мундијалот.
- Не можам да речам дека не победи подобар противник. Ова се натпревари да се биде или не, едноставно нема поправен испит. Најлошо од се е што ние постојано бркавме негатива, што дополнително физички и психолошки нè трошеше. Но што е тука е. Ние нетреба да се срамиме. Главите горе. Не победи една екстра квалитетна селекција, изјави Лазаров.
Капитенот Лазаров заедно со Гоце Георгиевски беа двајцата најефикасни во нашата селекција со по седум постигнати голови.
- Покажавме многу на ова Светско првенство, но кога дојде најважното ние загубивме, рече Лазаров.