СЦ „Јане Сандански“ вечерва ќе биде комплетно обоена во „црвено-црно“ откако Висла Плоцк го информирала клубот дека нејзините навивачи нема да допатуваат во Скопје за реваншот. Тоа му овозможи на Вардар вчера да пушти во продажба дополнителни 100 билети, кои веднаш беа распродадени.
На овонеделниот прес организаторите испратија молба до публиката која ќе дојде во „Јане Сандански“ тоа да го стори, најдоцна пола час пред почетокот на мечот, а исто така од безбедносни причини, поради преголемиот интерес за натпреварот замолија навивачите кои имаат билети за на трибините да не носат мали деца со нив.
