Трендсетерката Парис Хилтон ги отфрли неодамнешните тврдења дека безделничи и не работи ништо.
Се разбира Парис, како слободен стрелец има голем број на работни ангажмани, иако тие претежно се поврзани со организирање на луди забави. И последниот нејзин ангажман не беше поразличен. Младата богаташка беше дел од жирито на турскиот избор за Мис на светот.
Прашана што најмногу ќе цени кај кандидатките, русокосата Парис изјавила дека ова и е прв пат да оценува нешто вакво, па затоа ќе се фокусира на држењето на девојките, изгледот, облеката и на крај се разбира на тоа што го говорат.
Но, дури и на самиот избор Парис не дозволи центар на вниманието да бидат кандидатките за Мис, таа се качи на сцената и заедно со танчарките изведе стомачен танц, ала Парис Хилтон.
По крунисањето на победничката Лејла Лидиа Тугилту, Парис изјавила дека е пресреќна што претставува пример и идол за младите девојки.
„Работев многу напорно за да го изградам ова мое царство. Мислам дека тоа е инспирација за сите девојки“, изјавила Парис.
(Д.Т)