Откако спортот синоќа сите не обедини, дојде време тоа да го направи и храната. Новата кампања на Grouper.mk „Недела на храна“ го носи токму слоганот „Скопје гурман ти ќе бидеш“ преку која ќе го претворат Скопје во најгурманското место до сега со мошне примамливи понуди.
Она што ги очекува посетителите се 100 зделки од над 50 локални ресторани, но и бројни изненадувања.
Гурманските зделки се категоризирани во мени кое ќе биде објавувано во текот на една недела додека рокот за користење ќе биде до средината на месец јули. Понеделник започнува со Pizza & Pasta, вторникот е најавен како ден на бургери, а вкусната недела ќе продолжи со азиска храна, BBQ месо & риба, десерти, салати и мезиња и hangover појадоци & veggie bar.
Дел од рестораните кои ќе имаме прилика да ги посетиме со “Недела на Храна” се: ФОРЦА бар & ресторан, SushiCo, Veneto City Mall, Италијански ресторан “Кај Џино”, Squeeze Me, Ќебапчилница “Тетекс”, Мекиците од Стража, Хотел ресторан “Senigallia”, Public Room, Рок Кафана Рустикана 2.0, Радост и многу други деликатесни места кои ќе ги отворат вратите за сите Grouper гурмани.
За оние кои сакаат да ја фотографираат храната пред да ја консумираат, ќе има и фото натпревар на Instagram & Facebook преку кој ќе се одберат најдобрите 10 фотографии поставени со хаштагот #СкопјеГурман + локацијата на ресторанот, кои ќе бидат наградени со вредни Делимано подароци.