Dave’s Kitchen: Домашни банички со готови кори

Зошто да замесувате тесто и да поминете час-два во кујна за да го добиете вкусот на сочна домашна баничка кога може да го постигнете истиот резултат со готови кори?

Потребни состојки:

• 500 гр. кори за пита
• 1 коцка квасец (40 гр.)
• 12 лажици брашно
• 300 мл. минерална вода
• 150 мл. масло за готвење
• 1 лажичка сол
• Праз (претходно испржен со сол и масло за готвење)

Начин на подготовка:

Најпрво во еден сад промешајте ги заедно квасецот, брашното, минералната вода и маслото за готвење. Земете една кора и премачкајте ја со овој фил, нанесете праз и брзо свиткајте ја кората во ролат. Ролатот превиткајте го во баничка. Печете во загреана рерна на 190 степени околу 20-25 минути.

Добар апетит и забавно готвење!

За повеќе рецепти посетете ја официјалната ФБ страна на Давор, Dave’s Kitchen.