Семињата се богати со здрави моно и поли-незаситени масти, влакна, протеин и витамини, а за да ги искористиме нивните здравствени придобивки не е потребно да внесеме преголема количина. Генерално, нутриционистите препорачуваат внес на 2 големи лажици семиња дневно, што во просек е околу 200 калории.
Еве кои сè семиња треба да се дел од секојдневната исхрана:
1) Афион
Овие семиња се богати со Б витамини кои ја подобруваат функцијата на мозокот, а можат да се додадат на разни салати или мармалади. Доколку пак изедете преголема количина од овие семки, на тест за дрога може да се покажете позитивни за опиум.
2) Коноп
Семето коноп има 9 грама протеин во 3 големи лажици, а содржи и омега-3 масни киселини, цинк, магнезиум и витамин Е. Се додава во салати и супи или пак се блендира во разни смутија.
3) Лен
Како и семето од конопот и она од лен содржи омега-3 масни киселини, а богато е и со магнезиум, манган и тиамин. Ова семе се јаде мелено бидејќи лушпата му е прецврста и телото има потешкотии да ја свари, а веќе измелено се чува во фрижидер или замрзнувач.
4) Сусам
Сусамот е одличен извор на калциум и фосфор. Неговата помалку вообичаена црна варијанта е погорчлива, но содржи антоцијанини – моќни антиоксиданси кои влијаат на меморијата и срцевото здравје.
5) Тиква
Семките од тиква се богати со цинк, кој игра голема улога за плодноста.
6) Чиа
Овие семиња се богати со протеин и омега-3 масни киселини, а познати се по нивната способност да апсорбираат масивна количина на течност и да се претворат во здрав, хидрирачки „пудинг“.