Овој рецепт освен што изгледа убаво, е и мошне вкусен. Лесно се приготвува и гарантирано ќе измами насмевка на лицата на вашите сакани.
Потребни состојки:
*Филџанот е од 150мл.
- 3 јајца
- 2 филџани шеќер
- 2 кесички ванилин шеќер
- 2 филџани масло за јадење
- 3 филџани млеко
- кора од 1 лимон (или портокал)
- 5 филџани брашно
- 1 пакетче прашок за печиво
- Прстофат сол
За глазурата:
- 150 гр. квалитетна чоколада со минимум 70% какао делови
- 4 лажици млеко
- Малини за сервирање
Начин на подготовка:
Во сад скршете ги јајцата и матете ги заедно со шеќерот и ванилиниот шеќер додека смесата не го зголеми својот волумен тројно. Потоа матејќи додајте го маслото, млекото, брашното и прашокот за печиво. Добро промешајте ја смесата и додајте ја кората од лимон. Повторно промешајте. Префрлете ја смесата во калап за куглоф и печете во загреана рерна на 170 степени околу 40тина минути. Оставете комплетно да се излади.
На пареа растопете ги чоколадото и млекото заедно , а потоа полејте врз колачот. Декорирајте со малини и гранчиња нане.
Добар апетит и забавно готвење!
За повеќе рецепти посетете ја официјалната ФБ страна на Давор, Dave’s Kitchen.