Пчелите го собираат нектарот од билките и создаваат супер-слатка густа течност која ја нарекувме мед.
Медот се состои претежно од фруктоза и глукоза – едноставни шеќери кои телото лесно ги конвертира во енергија и вода.
Тој содржи и витамини, минерали, електролити, ензими, амино киселини и флавоноиди, што го прави многу покорисен за здравјето во споредба со традиционалните засладувачи како шеќерот.
Медот го подобрува микробниот баланс во цревата како и разните респираторни состојби, а има и антибактериски, антиоксидансни и анти-воспалителни карактеристики.
Сепак, важно е да се има во предвид целата нутриционистичка слика на медот – за многу од овие здравствени придобивки треба да се изедат големи количини на мед, што за жал значи и консумирање на премногу калории. Иако медот доаѓа од природен извор, тој во разните продукти се смета како додаден шеќер (како што е сирупот од пченка или оној од шеќерна трска)
Поради тоа, важно е медот да се консумира умерено.
Медот има околу 300 варијации, во зависност од неговото потекло т.е видот на цвеќињата со кои се хранеле пчелите.
Кога станува збор за купување на мед, важно е секогаш да се чита нутриционистичката табела, бидејќи често пати (особено кога е увезен) тој може да е измешан со други засладувачи како што е пченкарниот сируп.