Стареењето, за жал е неизбежно, но белата коса не мора да биде, бидејќи постојат одредени видови на храна со карактеристики кои го забавуваат нејзиното обелување....
1) Мандарини
Мандарините се богати со витамин Ц, кој игра клучна улога во развивањето на колаген – сврзното ткиво од кое се составени многу делови на телото, вклучувајќи ги и влакната.
2) Ферментирана храна
Пробиотиците не се добри само за дигестивниот систем, туку и за косата, бидејќи бактериите во стомакот благодарение на нив создаваат Б-витамин, биотин.
Недостатокот на биотин резултира со промена на бојата на косата и нејзината цврстина, правејќи ги влакната кршливи и разретчени.
3) Лосос
Лососот е богат со витамин Д, кој е поврзан со пигментацијата на косата.
4) Јајца
Целото јајце изобилува со витаминот Б-12 (кој го нема во растенијата), а студија од 2016-та покажала дека оние чија коса рано побелела имаат низок статус на Б-12.
5) Темно чоколадо
Темното чоколадо е добар извор на железо и бакар, двете хранливи состојки кои се одлични во превенцијата од стареење и белеење на косата. Ниското ниво на феритин (каде е складирано железото во крвта) е поврзано со предвремено белеење на косата, додека пак бакарот е делумно задолжен за продукција на меланин.