Се прашувате што да подготвите благо оваа недела? Имаме одличен рецепт за Вас. Од една страна ќе вкусите супер вкусно ароматично тесто со путер, кое е богато и со незаменливиот вкус на ванила, а од друга страна филот е добитна комбинација од ореви и белки.
Потребни состојки:
За тестото:
- 300 г. брашно
- 100 мл. млеко
- 1/4 коцка свеж квасец
- 2 лажици шеќер
- Прстофат сол
- 2 жолчки
- 100 гр. путер на собна температура
- 2 кесички ванилин шеќер
- Жолчка за премачкување помешана со 1 лажичка млеко
За филот:
- 200 гр. мелени ореви
- 2 белки
- Екстракт од ванила
- 3 лажици шеќер
- 1 пакетче ванилин шеќер
Начин на подготовка:
Од состојките за тесто замесете убаво тврдо тесто. Оставете го да стаса околу 1 час. За филот, белките изматете ги со шеќерот и екстрактот од ванила. Во него додадете ги мелените ореви.
Размесете го тестото и расукајте го во правоаголна кора. Премачкајте го филот низ цела површина и свиткајте го тестото во ролат. Премачкајте со жолчка. Печете на 180 степени околу 20-25 минути. На крајот посипете шеќер во прав.
Добар апетит и забавно готвење! За повеќе рецепти посетете ја официјалната ФБ страна на Давор, Dave’s Kitchen.