Храна богата со витамин А спречува еден вид рак на кожа

Kлучно за спречување на ракот на кожата е мачкање со кремови за заштита од сонце, а ново истражување покажува дека и храната која ја јадеме може да игра улога во тоа.

Во нова студија, истражувачите користеле податоци од две студии (од кои едната траела од 1984 до 2012, а втората од 1986 до 2012) во кои биле вклучени 123 570 луѓе со просечна возраст од рани 50-ти.

За потребите на тие две студии, партиципантите пополнувале анкети на секои 4 години во врска со храната и суплементите кои ги консумирале (кои биле и колку често). Било откриено дека оние кои консумирале најголема количина на витамин А преку храната имале за 15% помал ризик од развивање на карцином на сквамозни клетки – вид на рак на кожата – во споредба со оние кои најмалку го консумирале.

Овој рак е немеланомичен рак на кожа кој може да го уништи здравото ткиво, иако не се шири како меланомот. Тој рак најчесто се развива во деловите од кожата кои се експонирани на сонце, и може да се појави во форма на црвена рана со краста. Ова е вториот најчест вид на рак на кожа.

поред докторите, витаминот А е есенцијален за здрав раст и созревање на клетките на кожата, а причината за тоа се ретиноидите – соединенија кои ги спречуваат канцерогените клетки да се размножуваат, а спречуваат и формирање на тумори.

Важно е да се напомене дека кај повеќето партиципанти внесот на витамин А бил преку храна, а не преку суплементи, додека изворите биле и животински и растителни.

Возрасните мажи треба да внесуваат 900 микрограми витамин А дневно, додека жените 700.

Храната како слатките компири, морковите, говедскиот црн дроб, спанаќот, црвените пиперки и дињата се одличен извор на овој витамин. На пример, еден сладок компир има 1403 микрограми витамин А, а половина шолја спанаќ има 573.

Витаминот А е растворлив во маснотии, па најдобро е храната која го содржи да се комбинира со храна богата со (здрави) масти, бидејќи на тој начин телото подобро ќе го апсорбира.