Запекот, односно недостатокот на нормални движења на цревата, може да биде предизвикан од разни причини, а дел од нив ја вклучуваат и храната која ја јадеме.
Доколку причината за тоа не е некоја здравствена состојба, докторите препорачуваат јадење на храна која го стимулира дигестивниот систем. Таква храна е:
Сливи
Сувите сливи се познат „лек“ против запек, бидејќи се одличен извор на влакна. Тие исто така содржат и соединение сорбитол, кое помага за омекнување на столицата, што го олеснува нејзиниот проток низ дигестивниот систем.
Чиа семе
Ова семе е пребогато со влакна, а се препорачува да се додаде во смутија, овесна каша, или пак јогурт.
Мелено ленено семе
Доколку не го поднесувате вкусот или текстурата на чиата, наместо тоа може да се користи меленото ленено семе, кое покрај влакната е богато и со здрави омега-3 масни киселини.
Кафе
Кафето помага против запекот поради тоа што кофеинот ја зголемува гастроинтестиналната подвижност, односно контракциите во мускулите во стомакот.
Грозје
Грозјето, освен влакна, има и многу вода – комбинација која е особено корисна во случај на запек.
Смокви
Смоквите имаат голема концентрација на влакна, што значи дека не треба да се јадат во преголема количина. Тие содржат и ензим наречен фикаин, кој се смета дека помага при запек.
Спанаќ и темни лиснати зеленчуци
Ваквите зеленчуци содржат влакна и магнезиум, минерал кој е природен „релаксатор на мускули“.
Слатки компири
Слатките компири имаат многу поголема концентрација на влакна во споредба со обичните, а таа е најголема во лушпата.
Киви
Покрај влакната и течноста, кивито содржи и ензим актинидан, кој помага во дигестивниот процес.