Dave’s Kitchen: Брза торта без печење

Оваа сочна, кремава и мека торта се подготвува многу брзо и не бара печење. Подгответе ја за да ужива целото семејство.

Потребни состојки:

• 300 гр пишкоти
• 2 пудинга од ванила
• 1 пудинг од чоколадо
• 700 мл млеко
• 200 гр чоколадо за готвење
• 5 лажици мед или друг засладувач
• 1 шолја сварено јако еспресо или инстант кафе
• 4 кесички за шлаг изматени со 500 мл млеко
• 2 лажици капучино
• 2 лажици какао

Начин на подготовка:

Најпрво сварете ги пудинзите во зовриено млеко. Кога ќе добиете густа смеса додајте ги чоколадите за готвење и медот и добро промешајте додека не добиете хомогена смеса. Покријте со хартија за свежа храна и оставете комплетно да се излади.

Изматете го шлагот со млеко и капучино и од изматениот шлаг додајте 5 лажици во изладениот чоколаден пудинг. Изматете го пудингот и шлагот со миксер. Потопете ги пишкотите во сварено кафе и наредете еден дел во калап каде што ќе ја послужите тортата. Нанесете врз пишкотите од филот, потоа наредете пишкоти потопени во кафе, фил, повторно пишкоти и фил. Премачкајте ја целата торта со фил и оставете ја да се стегне во замрзнувач околу 30 минути. Покријте ја целата торта со преостанатиот шлаг и нарусете какао. Послужете ја веднаш или добро изладете ја до послужувањето.

Добар апетит и забавно готвење. За повеќе рецепти посетете ја официјалната ФБ страна на Давор, Dave’s Kitchen.