Велигден е како создаден за креативни рецепти. Искористете ги овие празнични зајчиња, за да ги изненадите најмладите членови во семејството.
Потребни состојки:
- 900 гр. брашно
- 400 мл. млеко
- 2 белки
- 1/2 квасец
- Сол по вкус
- 4 лажички шеќер (или 2 големи лажици)
- 100 мл. масло за јадење.
- Kаранфилчиња и бадеми за очите и забите
Начин на подготовка:
Замесете тесто од сите состојки, оставете да стаса околу 60-70 минути, и започнете да ги оформувате зајчињата на тој начин што целото тесто ќе го поделите на 4 еднакви делови.
Од секој од деловите земете поголемо парче за стомакот, малку помало парче за главата ( исто како на сликата) и 6 помали парчиња за рацете и нозете и ушињата. За очињата Давор користеше каранфилч , а за забите исечкани бадеми. Оставете ги повторно да стасаат околу 30 минути, премачкајте ги со жолчка и печење на загреана рерна 180 степени 25-30 минути.
Добар апетит и забавно готвење. За повеќе рецепти посетете ја официјалната ФБ страна на Давор, Dave’s Kitchen.