Сезоната на јагодите е на самиот праг, а ова е еден совршен рецепт за тоа како да ги искористите најдобро - торта со јагоди. Се подготвува многу лесно и во нејзиниот вкус ќе уживаат сите во семејството.
Потребни состојки:
За пандишпанот:
100 гр брашно
70 гр какао
100 гр. шеќер
1 лажичка прашок за печиво
120 мл. млеко
1 јајце
2 лажици масло за јадење
120 мл. вода
1 пакетче ванилин шеќер
За мусот со јагоди:
- 300 гр бело чоколадо
- 15-тина Орео колачиња
- 2 канчиња јагоди
- 4 кесички шлаг пена
- 600 мл млеко
- 2 пакетчиња желатин растворени и растопени на пареа
За декорација:
- Јагоди
- Шеќер во прав
- Џем од јагоди
Начин на подготовка:
Во длабок сад промешајте ги заедно брашното, шеќерот, какаото и прашокот за печиво. Промешајте и додајте ги млекото, маслото, водата, ванилата и јајцето. Промешајте и префрлете ја смесата во подмачкано округло тавче на механизам. Печете во загреана рерна на 180 степени околу 25-30 минути или додека комплетно не се испече. Оставете да се излади и подгответе го мусот.
Ситно исечакјте ги јагодите и оставете ги на страна. Во сад изматете ги кесичките шлаг со млекото и додајте го растопеното бело чоколадо. Промешајте и додајте ги Орео колачињата, исечканите јагоди и растопениот желатин промешајте добро. Изладениот пандишпан премачкајте го со џем од јагоди и префрлете го мусот врз изладениот пандишпан во калапот во кој се печел. Оставете да се стегне околу 4 часа во ладилник, премачкајте по желба со џем од јагоди тенок слој и декорирајте со чоколадни форми (растопено чоколадо и со четка формирани на хартија за печење) свежи јагоди и шеќер во прав.
Добар апетит и забавно готвење! За повеќе рецепти посетете ја официјалната ФБ страна на Давор, Dave’s Kitchen.