Темата на годинешниот МЕТ бал „Camp: Notes on Fashion“ ги поттикна познатите повторно да излезат од својата комфорна зона и да експериментираат со малку поексцентричен изглед соодветен за оваа модна манифестација, што традиционално се одржува во Њујорк.
Ким Кардашијан
Оваа реалити ѕвезда секогаш се труди да биде забележана, па Мет балот не беше исклучок од тоа. Кими зачекори покрај Каније Вест во необичен, но мошне впечатлив латекс фустан со кристали дизајниран од Thierry Mugler.
Лејди Гага
Гага и ексцентричноста одат рака под рака. Пејачката приреди вистинско мини стриптиз шоу во 4 различни облеки. Најпрвин ја видовме во огромен розов фустан, за по кратко време заврши по долна облека.
Cardi B
Еден од најдраматичните изгледи на вечерта несомнено е оној на Cardi B која што носеше креација од Thom Browne. За изработката на фустанот беа потребни 35 луѓе и 2000 работни часови.
Кети Пери
За некои иновативна, за други помалку смешна. Кети Пери годинава беше подвижен лустер. Она што е уште поинтересно е што во креацијата беа употребени вистински сијалици.
Во прилог погледнете како изгледаа дел од преостанатите ѕвезди кои годинава присуствуваа на МЕТ балот.