Појавувањето на црвениот тепих знае да им зададе сериозна главоболка на ѕвездите од светот на шоу-бизнисот со оглед на тоа дека нивниот моден избор ќе се анализира и коментира понекогаш и со месеци од моментот кога се појавиле пред фото објективите.
Потребата да се биде уникатно облечен на престижен настан од типот на Еми наградите како и секоја година за некого заврши како полн погодок, а за друг како модна катастрофа.
Она што се покажа како најинтересно на овогодишното доделување на наградите е што неколку актерки се најдоа во ситуација да носат идентична комбинација од бои, па во обидот да изгледаат поинаку од другите добија сосема спротивен ефект.
