Porfee - отстранувач на црнки од кожата

Сите понекогаш имаме црнки на кожата, кои ги стискаме пред огледалото – но тоа ја оштетува кожата и остава црвени траги на неа, а понекогаш може да остави и постојани лузни.

Porfee е гаџет наменет токму за отстранување на црнките – се работи за еден вид на „правосмукалка“ со 10x зум камера, сино светло и смартфон апликација и според производителот, со него најпрецизно се чистат порите на кожата.

Како што хирурзите користат малечки камери за прецизни маневри, камерата на Porfee со 10x зум овозможува исклучителна прецизност, покажувајќи каде точно се наоѓаат црнките. Со вшмукувањето, освен црнките, се отстрануваат и сите нечистотии од порите и се ексфолира мртвата кожа.

Уредот со сината светлина ги стерилизира и намалува порите, заштитувајќи ја кожата од иритација и воспалување.

Имајќи ја во предвид популарноста на телевизиските програми како „Pimple popper”, со помош на камерата и апликацијата може да се снима процесот на чистење, кое видео потоа можете да го покажувате и испраќате на пријателите

Моментално Porfee може да се набави преку неговата Kickstarter кампања, со први испораки во мај 2021, по цена од околу $65 (регуларната цена се очекува да биде околу $90)