Повеќето жени кои имаат проблем со целулитот, не знаат како да се справат со него.
Во прилог ги објаснуваме трите најчести форми на целулит, како се манифестираат и што треба да направите за да се справите со нив.
Мек целулит
Изглед: Ваквиот тип на целулит е мек на допир и се забележува кога ќе ја стиснете кожата, но и кога лежите. Има желатинско-сунѓереста структура и ја менува местоположбата во зависност од движењето.
Локација: Најчесто се појавува во делови од телото каде што се насобираат маснотии, како горниот дел од рацете и нозете. Се шири со годините и недостатокот од физичка активност.
Третман: доколку личноста има и проблеми со тежината, се препорачува бавно намалување на килограмите во комбинација со протеинска исхрана. Ако килограмите не се проблем, тогаш решението е вежбање и зголемување на мускулната маса. Кога користите кремови против целулит убаво масирајте го местото со цел да ја зголемите циркулацијата. Кај ваков тип на целулит функционираат и третмани кои користат посилни вибрации.
Тврд целулит
Изглед: како што кажува самото име станува збор за цврст облик на целулит, кој повеќе се јавува кај младите жени. Од надвор изгледа како портокалова лушпа и е забележлив како во стоечка, така и во лежечка положба.
Локација: надворешната страна на бутините, околу долниот дел од грбот и внатрешноста на колената.
Третман: во случај на ваков целулит, колку побрзо се дејствува, толку подобро бидејќи има тенденција со текот на времето да се влошува. Пожелно е да се започне со нанесување на креми против целулит два пати дневно, па да се продолжи со поинтензивни третмани како мезотерапија.
Едематозен целулит
Изглед: овој тип на целулит се среќава најретко и во исто време е најтежок за отстранување. Се јавува како резултат на проблеми со лоша циркулација и задржување на течности. Во најголем број од случаите се јавува кај жени на возраст помеѓу 20 и 30 години.
Локација: Најмногу се манифестира на долниот дел од нозете, а помалку на бутините и колената. На допир има гумена текстура и може да боли.
Третман: со оглед на тоа што ваквата форма на целулит се добива поради намалена циркулација се препорачува пешачење, трчање и пливање. Кај овој вид на целулит помага и наизменично туширање со топла и ладна вода. Во однос на исхраната се препорачува избегнување на храна која предизвикува задржува на водата, како што се солта, брза храна и газираните сокови. Пожелно е да пиете зелен чај и редовно да ги масирате деловите кои се зафатени од целулит.