Британската манекенка Кејт Мос и нејзината 18-годишна ќерка Лила се прошетаа по истата писта на Модната недела во Милано.
Се чини, Лила Мос тргна по стапките на нејзината мајка. Овојпат носеше златно-бел костим за капење, украсен со сложена шара, којашто традиционално му се припишува на „Версаче“. Таа облече и раскошна „Фенди“ јакна – со бела кожена чанта и златен ѓердан.
Кејт, пак, носеше црн фустан и наметка со златни дезени.
Инаку, модната писта во италијанската Палата „Версаче“ прикажа неколку луксузни модни линии. Во своето деби за високата мода, Ким Џонс и Донатела Версаче, уметнички директорки на „Фенди“ и „Версаче“, создадоа свои колекции за двете компании. На пистата се појавија и Џиџи Хадид, Емили Ратајковски и Наоми Кембел, а во публиката беа Елизабет Харли, Адисон Реј и Деми Мур.