Кога спиеме косата знае да стане многу немирна, наелектризирана и да добие форма која воопшто не ни се допаѓа. Сепак со неколку едноставни идеи, спиењето може да биде одлично за вашата коса. Еве како:
Фризура со локни
Косата разделете ја по средината на главата и попреку, а потоа издвојте најмалку 4 прамени. Колку повеќе прамени толку повеќе локни. Секој прамен исчешлајте го, направете плетенка и врзете ја што пониско. Ако сакате можете да ги испрскате плетенките со лак за коса за да имате поубави локни.
Благо навиткана
Разделете ја косата на средината на главата, и започнете со одвојување на еден прамен кој ќе го намотате околу показалецот и средниот прст. Намотувањето запрете го кога ќе дојдете во ширина на дланката кон коренот. Извлечете ги прстите, направете полжав од праменот и прицврстете го со шнола за главата. Повторете го тоа со следниот прамен и потоа замотајте ја целата глава со марама.
За права коса
Поделете ја косата на 3 еднакви прамени, така што ќе направите и еден на горниот дел од главата. Секој прамен исправете го со чешел. Потоа врвот на секој прамен врзете го со ластик. Од прамените формирајте турбан така што секој одделно да ви биде прилепен за главата и прицврстен со шноли. За подобар ефект косата замотајте ја во пешкир.