Катарина Ивановска е првата Македонка која потпиша договор со престижната модна куќа Victoria’s Secret.
Прекрасната бринета, чии пропорции се скоро идеални (85-60-89) е родена во Скопје 1988-та година, а кариерата на модел ја започна откако победи на Look Model International, натпревар кој што се одржа во нашата држава во 2004-та година.
Истата година Катарина започна да нижи успеси на меѓународната модна сцена и се најде на насловната страница на магазинот „Elle“, како и во руското и италијанското издание на „Vog“.
Веќе во 2006-та година таа беше заштитно лице на кампањата на модната куќа „D&G“ и така стана најуспешната македонска манекенка.
Освен како манекенка, таа се занимава со глума. Катарина имаше главна улога во нашиот филм „Трето полувреме“ на режисерот Дарко Митревски, а премиерата на нејзиното првенче се очекува да биде покасно оваа година.