Трст, 13 јули 2017 (МИА) – Лидерите на шест балкански држави и нивни колеги од Европската унија се договорија вчера на средбата во Трст за седум нови проекти за поврзување со инвестиции од над 500 милиони евра.
Тоа се наведува во завршниот документ објавен од домаќинот, Италија, јави ДПА.
Во таа сума се 194 милиони евра грантови од ЕУ и кредити на Европската инвестициска банка и Европската банка за обнова и развој.
Според завршниот документ е ветен и грант од 11,4 милиони евра за енергетски и транспортни проекти.
Балканските држави се повикани да забрзаат напори за формирање заедничка економска и трговска зона.
Средбата на високо ниво за Западен Балкан во Трст беше со учество на претставници од шест балкански држави – БиХ, Србија, Црна Гора, Косово, Македонија и од Албанија.