Претседателот на Србија, Александар Вучиќ, на средба со министерот за надворешни работи на Турција, Хакан Фидан, денеска изјави дека Србија придава особено значење на односите со Турција, која, со оглед на нејзиното големо влијание, е важна за стабилноста на целиот регион.
Во објава на Инстаграм, Вучиќ нагласи дека е убеден оти разговорот со Фидан ќе придонесе за понатамошно зајакнување на односите меѓу двете земји, кои се карактеризираат со интензивен политички дијалог и сеопфатна соработка, од економија и енергетика до туризам, култура и образование.
Тој изјави дека е особено задоволен што Турција го потврди учеството на Експо 2027 во Белград, што е „уште една потврда за силно партнерство и меѓусебна доверба“.