Њујорк, 6 јули 2010 (МИА) - Српскиот претседател Борис Тадиќ порача вечерва во Советот за безбедност на ОН дека Косово не е држава, дека нема суверенитет и оти тоа не е само став на Србија, туку и на поголем дел од членките на ОН.
Говорејќи по расправата во Советот за безбедност, Тадиќ истакна дека, според него „Србите не сакаат формирање Меѓународна цивилна канцеларија“ и оти таквиот чекор „претставува провокација и оти не придонесува за стабилизација на регионот.
Тој порача дека српските власти, наспроти настаните од минатото, ќе спроведуваат политика на мирот.
Шефот на српската држава предупреди дека „фундаментална разлика меѓу една суверена држава како што е Србија и привремените власти во Приштина е што Белград им суди на извршителите на злосторството, додека тоа не е случај со косовските власти“.