Анкара, 12 јуни 2013 (МИА) - Турската влада отворено застана зад спроведување референдум за спорниот проект за преуредување на плоштадот Таксим во Истанбул, што стана повод за масовните протести во земјата во последните две недели, пренесоа американските медиуми, повикувајќи се на заменик претседателот и портпарол на владеачката исламистичка Партија на правдата и развој Хусеин Челик.
Челик ова го соопшти по првата средбу меѓу премиерот Реџеп Таип Ердоган и претставници на демонстрантите.
Турските власти цврсто реагираа на протестите.
Изјавата на Челик е прв голем гест на турската влада за изнаоѓање излез од кризата, забележаа американските медиуми.
Во исто време портпаролот Челик ги повика демонстрантите под итно да го напуштат паркот Гези во Истанбул.
-Оние кои имаат лоши намери или сакаат да провоцираат и да останат во паркот ќе се исправат против полицијата, предупреди Челик, цитиран од агенциите.