Русија е подготвена да се приклучи на глобалната забрана за биолошко оружје, изјави портпаролот на Кремљ, Дмитриј Песков, цитиран од британските медиуми.
Песков ја коментираше иницијативата на американскиот претседател Доналд Трамп за користење на вештачката интелигенција за проверка на усогласеноста со Конвенцијата за биолошко оружје.
Тој рече дека Москва ја поддржува иницијативата и ја гледа како позитивен чекор кон подобрување на транспарентноста и довербата во меѓународната контрола на оружјето.
Трамп во говорот пред Обединетите нации рече дека „ги повикува сите нации да ни се придружат во прекинувањето на развојот на биолошко оружје еднаш засекогаш“. Тој предложи користење на вештачка интелигенција за проверка на усогласеноста со договорот.
Песков рече дека Русија го поздрави „многу важниот повик“ на Трамп, нарекувајќи го брилијантна иницијатива.
„Секако, руската страна е подготвена да учествува во таков процес на откажување, на општо откажување од биолошкото оружје и, секако, би било добро да се формализира на некој начин, повторно на меѓународно ниво“, додаде тој.