Абхазија и Јужна Осетија, сепаратистички региони во Грузија, веднаш откако Косово прогласи независност соопштија дека бараат Русија и Обединетите нации да ги признаат за независни, јави Франс-прес.
- Ситуацијата на Косово е преседан. Не може да се зборува за уникатен случај. Абхазија наскоро ќе се обрати кон Парламентот на Русија и Советот за безбедност на ОН, за да побара од нив да ја признаат нејзината независност, изјави „претседателот“ на оваа проруска територија Сергеј Багапч.
- Тоа, што Косово го прави денеска, веќе се случи во Абхазија и Јужна Осетија пред 17 години, истакна „претседателот“ на Јужна Осетија Едуард Кокојти. Тој додаде дека планира да преземе исти чекори, како и Абхазија.