Хамбург, 7 јуни 2011 (MИА) - Властите во Германија соопштија денеска дека темпото на ширење на заразата со бактеријата ешерихија коли се намалува, но истражувањата се уште не докажале дека никулци од грав го предизвикале ширењето на болеста.
Властите на северниот пристанишен град Хамбург, кој стана центар на заразата која го однесе животот на 23 лица и разболе над 2.400 ширум Европа, изјавија дека пакетот со никулци од грав пронајден во ладилник кај заразено лице, не покажал позитивен резултат за ешерихија коли.
Министерството за здравство на провинцијата Хамбург соопшти дека ситуацијата постепено се подобрува. Отпуштени биле првите пациенти од клиниките, а другите успешно заздравуваат.