Реакција на претседателот на ЕК поради изјавата на унгарскиот премиер ОрбанБрисел, 16 март 2012 (МИА) - Европската унија денеска реагира на изјавата на унгарскиот премиер Виктор Орбан, кој ги спореди претставниците на Брисел со тирани.
Претседателот на Европската комисија Жозе Мануел Баросо оцени дека „тие што ја споредуваат ЕУ со СССР покажуваат целосен недостаток на разбирање што е тоа демократија.
Орбан на вчерашниот митинг во Будимпешта ги критикуваше „европските бирократи“ нагласувајчи дека Унгарците „многу добро знаат што значи непосакуваната другарска помош, дури кога таа доаѓа облечена во елегантен косум, а не во воена униформа“.
- Нема да бидеме колонија. Унгарците нема да живеат под диктатот на странците, нема да се откажат од својата независност и слобода, посочи Орбан.
Десноцентристичката Влада на Орбан често е критикувана дека води автократиска политика. Неделава министрите за финансии од ЕУ замрзнаа 495 милиони евра од регионалните фондови за Унгарија, што земјата требаше да ги добие на почетокот од 2013 година. Средствата се замрзнати поради големиот буџетски дефицит на Унгарија
Европската комисија почна и кривична процедура со цел да ја натера Унгарија да го промени новиот Устав, со кој се ограничува независноста на судската власт и на централната банка.
|