Гетеборг, 19 февруари 2014 (МИА) - Одговорноста за насилството во Украина лежи еднострано врз претседателот Виктор Јанукович Тоа денеска го изјави шефот на шведската дипломатија Карл Билд, јави дописникот на МИА од Гетеборг.
- Тој беше токму таа личност која можеше да ги спречи насилствата така што ќе испружеше рака за демократска соработка со опозицијата. Наместо тоа, тој крена тупаница и сега неговата рака е потопена во крв, вели Билд.
Шефот на шведската дипломатија ги отфрла критиките во Москва дека западните политичари се одговорни за развојот на настаните во Украина.
- Ако се погледнат руски медиуми, тогаш се забележува безобѕирна пропаганда што се води против Европската унија, смета Карл Билд.