Музичкото средно училиште во Битола ќе се преименува во Тоше ПроескиБитола, 29 август (МИА) - Државното средно музичко училиште во Битола во иднина ќе го носи името на починатата македонска музичка ѕвезда Тоше Проески.
- Целото име на музичкото училиште ќе гласи „Тодор Тоше Проески“ со што е реализирано барањето на голем број граѓани, институции, ученици и наставници од ова училиште, изјави претседателката на Советот на Општина Битола, Лилјана Кузмановска.
Таа додаде дека барањето било поднесено до Советот на Општина Битола, по претходно пристигнати барања и потписи на граѓани.
- Поп-иконата своите први чекори во музиката ги почна токму во Битола, во насоката соло-пеење, истакна Кузмановска.
Именувањето на ова училиште е одобрено од Фондацијата „Тоше Проески“.
|