Стразбур, 11 мај 2010 (МИА) - „Секоја друга позиција на оваа земја не оди заедно со нејзините надежи да стане членка на Европската Унија“, изјави грчкиот помошник министер за надворешни работи Димитрас Друцас за грчката новинска агенција АНА, веднаш по завршувањето на 120-та министерска сесија на Комитетот на министрите на Советот на Европа, за време на која реагираше на употребата на терминот „македонско претседателство“ за назначувањето на претседателството на Република Македонија со извршниот орган на Советот на Европа.
На прашањето на новинарите дали тоа претставува закана испратена до својот северен сосед, Друцас за новинарите дообјасни дека грчката позиција е јасна и солидна.
- Ние сакаме на конструктивен начин да се реши проблемот со именувањето на „поранешната југословенска Република Македонија“, рече Друцас обвинувајќи дека користењето и монополизирањето на придавката „македонски“ е во спротивност со Резолуцијата на ОН и на Советот на Европа.