Скопје, 25 октомври 2010 (МИА) - Под влијание на влажни бранови од Медитеранот до четврток ќе преовладува променливо облачно време со повремени врнежи од дожд кои денес и во среда на места ќе бидат пообилни и над 30 литри на метар квадратен. Локално е можна појава на грмежи.
Во среда и во четврток ќе има продор на студена воздушна маса од север што ќе допринесе за заладување со пад на температурата за 7 до 10 степени. На повисоките места и на планините ќе има услови за врнежи од замрзнат дожд и снег. Ќе дува умерен до засилен северен ветер.