Претседателот на ДПА Мендух Тачи ги повика Албанците да не учествуваат на најавените протестите по завршувањето на петочната пладневна молитва низ џамиите во државата.
- Ќе ги замолам денеска сите Албанци да не се приклучуваат на протестите затоа што не ги знаеме организаторите. Не смееме да влетаме во авантури, не смееме да ги надоврземе работите од етнички и религиозен аспект. Ние никогаш не сме имале религиозни проблеми, етнички да, изјави Тачи.
Својата изјава Тачи ја даде на конференција на Форумот на младите на ДПА, која се одржа во спортската сала на средното медицинско училиште во Тетово.