Поп пејачка Биг Мама во моментов се наоѓа во стабилна но стресна состојба која е хоспитализирана во струшката болница. Состојбата и е непроменета во од синоќа поради големиот шок кој го доживеала.
Несреќата се случила вчера во 18 часот и 15 минути во водите на Охридското Езеро кај Струга, на околу 400 метри од брегот.
- Несреќата се случи на потегот меѓу Струга и селото Калишта, во момент кога двете лица на скутерот, сакале да ги заменат своите места, при што дошло до превртување на пловниот објект. Двајцата, кои на себе немале безбедносни појаси за спасување паднале во вода. Набрзо, на критичното место, со глисери пристигнале спасители кои ги слушнале повиците за помош. Тие, успеале да ја спасат Б.К.(26) од Тетово, додека другото лице го забележале удавено на околу 2 метри длабочина, соопшти СВР Охрид.
Полициската станица од Струга презема мерки за утврдување на идентитетот на починатото лице. Неофицијално, се работи за нејзиното момче од тетовско Дебреште кое било на повремена работа во Данска.