Во период во кој владее новогодишната еуфорија и сите се зафатени со китењето на своите домови, еден детаљ е неизбежен.
Станува збор за новогодишниот венец кој е најголем навестувач дека празниците се ближат. Иако нивните цени во овој период се вртоглави, со малку труд и минимални средства може да го изработите и овој прекрасен украс за вашиот дом.
Потребни ќе ви бидат:
- Жица за прицврстување
- Ножички
- Ситни суви гранчиња
- Гранчиња од зимзелени и друг вид декоративни дрва
- Ситни и крупни гранчиња со цветови кои планирате да бидат на вашиот украс
Земете ги ситните гранчиња и формирајте круг со нив. Прицврстете ги со помош на жицата за прицврстување. Обидете се што постабилно да го прицврстете за да биде функционален за следните чекори.
Користете ја вашата имагинација како би го направиле венецот онака како што вие сакате. Можете да го направите целиот круг со зеленилото или пак половина од него, секое купче од нив ќе биде потребно да го прицврстите доволно.
Сосема на крајот погледнете во него и на местата каде што ќе сметате дека е потребно додадете ги гранчињата со ситни и крупни цветови за да постигнете целосно поинаков изглед.
Сосема на крајот премотајте го уште еднаш венецот со слој од жицата за прицврстување за дополнително да го заштитите од паѓање на некој од додатоците.