Американската пејачка Лизо со разголена фотографија од себеси ги потсети своите обожаватели од САД да гласаат на претседателските избори.
На уметничката слика, Афроамериканката која за многумина претставува икона и пример за самопочитта и самоувереноста кај полничките жени, е полупокриена само со американското знаме.
-Кога мислам на оваа земја, не мислам на нејзините закони, мислам на нејзините луѓе. Мислам на тоа како сме воспитани за да бидеме патриоти во однос на насилството, пропаганда и војна. Размислувам за тоа како оваа земја е во сопственост на угнетувачот и како угнетените се заглавени во долината на капитализмот. Но, мислам и на младите луѓе кои одбиваат да бидат потхранувани со невистини. Мислам и на повозрасните кои ги оттурнаа предрасудите полни омраза, дури и кога тоа се чинеше невозможно… Поради вас, јас сè уште се надевам, напиша Лизо во коментар.