Жена од Лујзијана (САД) го обвини актерот Ворен Бити за сексуален напад, сексуална повреда, малтретирање и злоупотреба што наводно се случиле во Холивуд пред 49 години, кога жртвата имала 14 години.
Во граѓанска тужба поднесена во понеделникот пред Врховниот суд во Лос Анџелес, Кристина Шарлот Хирш го обвини оскаровецот и неколкумина други дека „ја искористиле својата положба и моќ како позната холивудска ѕвезда“ за да се здобијат со пристап до полесно манипулирање, искористување и присилување на сексуален однос со неа „во текот на неколку месеци“ додека живеела во Калифорнија. Хирш истакна дека наводните настани довеле таа да претрпи „тешка емоционална, физичка и психолошка вознемиреност, како и понижување, срам и вина“, се вели во жалбата, што вчера ја доби „Тајмс“.
Хирш го запознала Бити на еден од неговите филмски снимања во 1973 година. Сексуалните злосторства, наводно, се случиле таа година, кога таа имала 14, а тој околу 35 години.
Таа како „првично воодушевена“ тинејџерка одела во неговиот хотел за да помине време со него, а тој ја носел со себе на возење со автомобил, ѝ понудил помош во домашните задачи и ѝ зборувал за губење на невиноста во повеќе наврати, пред да стапат во сексуални односи, подробно опишани во жалбата.
Хирш верувала дека е во романтична врска со филмска ѕвезда, но во тоа време не се согласувала на неговиот „намерно повредувачки и штетен однос“, вели таа во документот.
Претставниците на Бити сѐ уште не одговориле на тужбата.