Извршниот директор на Борусија Дортмунд, Ханс-Јоаким Вацке открие дека сите во клубот сериозно размислуваа да се откажат од настапот во Лигата на шампионите по наредбата од УЕФА да игра против Монако следниот ден по бомбашкиот напад.
Три експлозии се случиле во вторникот во напад врз клупскиот автобус на „милионерите" на патот кон стадионот „Вестфален“ при што фудбалерот Марк Бартра се здоби со фрактура на раката и беше подложен на операција.
- Размислувавме да ја напуштиме Лигата на шампионите, но ја променивме таа одлука, бидејќи тоа ќе значеше победа за луѓето што не нападнаа. Им рековме на играчите дека кој не е во можност да игра дека може да не излегуваат на терен, но сите беа сложни да го одиграат натпреварот. Благодарност до сите што со гордост ја претставија Борусија, изјави Вацке за германски „Шпигел“.
Тој информира дека бил во телефонска врска со канцеларката Ангела Меркел.
- Нападот врз нашите играчи, повеќе беше напад на државата, отколку врз Борусија, додаде Вацке.
Монако во одложениот дуел во Дортмунд победи со 3:2 и се стекна со добра предност пред реваншот на свој терен