Тренерот Пол Ле Гвен вечерва во Салцург во живо ќе го следи настапот на нашиот репрезентативец
За Стефан Ристовски повторно се пишува низ медиумите, особено во оние од Турција во последните неколку денови. Имено за неговите услуги силно бил заинтересиран Бурсаспор, еден од најголемите клубови во Турција. Тој бил еден од пиковите во летниот преоден рок на тренерот на тимот Пол Ле Гвен, некогашен познат француски фудбалер а сега исто така познат тренер.
Дека работата е повеќе од сериозна, говори фактот дека токму Пол Ле Гвен вечерва ќе се најде во ложата на стадионот во Салцбург, каде се игра првиот меч од 3.квалификациско коло во ЛШ меѓу истоимениот клуб и Ријека, и ќе го проследи настапот на нашиот репрезентативец.