Шпанскиот фудбалер Алваро Мората е разочаран поради загубеното финале во Лигата на нации против Португалија (2:2, 3:5 - пенали).
- Благодарен сум на тренерот за довербата, и очигледно дека можев да изведам подобар пенал, но сега нема што да се направи. Затоа сум многу депресивен. Немаше солзи, но сакав да плачам. Треба да се извлече поука од ова, рече Мората по синоќешниот натпревар.
Португалија по втор пат во историјата ја освои Лигата на нации. Првиот трофеј го освои во 2019 година.
Шпанците по втор пат го загубија финалето на турнирот. Претходно во меч за трофејот беа поразени од Франција во 2021 година.