Македонската фудбалска репрезентација на последната ранг листа на ФИФА, забележа скок од 21 место, и сега се наоѓа на 83-то место.
Големиот скок на листата се должи на победата на Македонија над Србија во Скопје, а пак репрезентацијата на Синиша Михајловиќ падна за 9 места и сега се наоѓа на 42-та позиција.
Од останатите репрезентации во квалификационата група А за пласман на Мундијалот во 2014-та, Белгија исто така има скок, од 10 места и сега се наоѓа на 20-та позиција, а Велс и Шкотска на новата листа се наоѓаат на 66-то, т.е. 70-то место на листата.
Хрватска со скок од една позиција, се искачи на 10-та позиција од ранг листата на ФИФА и таа репрезентација е најдобро рангирана во нашата група.
Следниот натпревар на Македонија ќе биде пријателски против репрезентацијата на Словенија на Арената Филип Втори во Скопје, а натпреварот ќе се одигра на 14-ти ноември.