Не треба да се фокусираме само на одбраната и на тој начин да ја браниме предноста од првиот дуел. Имаме квалитет и да напаѓаме. Едноставно треба да ја наметнеме нашата игра, изјави бразилскиот интернационалец Робињо во редовите на Милан пред вечерашниот натпревар со Барселона.
Тој е свесен за силата на противникот, но верува во своите соиграчи дека можат да го елиминираат големиот противник.
- Барселона е голем тим, но во фудбалот се’ е можно. Очекувам неизвесен натпревар во кој ќе треба многу да се намачиме за да ја постигнеме целта, а таа е пласман во следната фаза, истакна Робињо.
Барселона вечерва од 20:45 часот на „Камп Ноу“ е домаќин на Милан во реванш-осминафиналето од Лигата на шампионите. Милан на првата средба во Милано победи со 2:0.