Фрустрациите на Фернандо Алонсо никако да запрат. Шпанскиот возач на Мекларен-Хонда призна дека имал „засрамувачка“ трка во Сузука на домашната патека за Хонда, но ја отфрли можноста да се откаже пред крајот на договорот со британско-јапонскиот тим.
Двократниот светски шампион преку радиото порача дека е побавен од ГП2 болид, нешто што шефовите во Хонда не сакаа да го слушнат и заврши на 11. место.
„Се чувствувам засрамен кога се тркам бидејќи е фрустрирачки да гледаш како некој излегува од патеката, прави грешки и завршува пред тебе! Дефицитот во моќта е како да возиме во друга категорија. Единствено позитивно е што ја завршивме трката и што може да добиеме позитивни информации од тоа. Следната година мораме да смениме многу работи. Позитивните вести ќе дојдат следната година, не следната недела“, вели Алонсо.
Претседателот на Мекларен, Рон Денис призна дека не му се допаѓала комуникацијата на Шпанецот.
„Не можам да одобрам такви работи. Тоа не е професионално. Би сакал нашите возачи пред сè да бидат професионални. Такви коментари не се конструктивни“, изјави Денис.
ТВ бојкот за Мерцедес?
Не-извршниот директор на Мерцедес, Ники Лауда вели дека планира да зборува со Ф1 шефот Берни Еклстоун за „недостатокот“ на ТВ пренос од неговиот тим на Јапонското ГП. Лауда и Тото Волф по трката во Сузука се прашуваа зошто нивните болиди добиле толку малку ТВ време чувствувајќи дека се појавиле само на стартот.
„Беше навистина смешно. Гледав ТВ цел ден и видов многу Заубери и болиди на Хонда, навистина не знам зошто. Ќе се сретнам со Берни следната недела и ќе го прашам што е причината. Дури влегувањето во боксот на Луис, кој беше лидер, не го видовме целосно“, вели Лауда.
Волф изјави дека не знае што треба Мерцедес да направи за да добие малку внимание.
„Во текот на трката не бев сигурен каде сме. Не ги гледавме нашите болиди. Нашиот прв приоритет е да победиме, ако тоа не е доволно, тогаш не знам што е. Не знам дали сме го налутиле Берни“, изјави Волф одговарајќи на коментарите дека Еклстоун „враќа“ за нивното одбивање да се склучи договор