Новокрунисаниот трикратен светски шампион во Формула 1, Луис Хамилтон продолжува со своите чудни и надмени коментари. Откако неодамна изјави дека за разлика од Михаел Шумахер неговите титули се освоени со чист талент, и додаде дека може да загуби само ако направи грешка, овој пат цел беше четирикратниот светски шампион Себастијан Фетел.
„Имам голема почит кон Себ, но тешко е да се процени колку навистина е добар тој. Никогаш не бил во тим со некој како Фернандо Алонсо, туку само со луѓе како Марк Вебер, кој не беше на негово ниво и Кими Раиконен, кој веќе е далеку од своите најдобри денови“, изјави Хамилтон.