Формула 1-фановите ќе почекаат уште неколку дена да ги дознаат правилата за моторите од 2017 година, откако долгонајавуваното гласање за промените не се оствари во вторникот поради тоа што не присуствуваа доволно луѓе на клучниот состанок во Бигин Хил.
Стратегиската група на Ф1 и на Ф1-комисијата се сретнаа да преговараат за правилата со кои болидите треба да бидат побрзи и да се мапираат правилата за моторите со кои треба да се намалат трошоците и да се израмнат перформансите.
Околу болидите, ситуацијата беше јасна, бидејќи радикалното менување на аеродинамичките и на другите правила за да се направи болид побрз по 5 секунди по круг, остануваат на планот и покрај обидите на некои од тимовите да се откажат од промените. Ова значи дека последната можност да се откажат промените, нешто што тимот на Мерцедес го посакуваше последните недели, нема да се оствари. Договорот за пошироки болиди останува според планот.
Сепак, состанокот не резултира со договор за моторите. Иако имаше голема поддршка за двегодишниот план за намалување на бројот на мотори на само 3-годишно во Стратегиската група, оваа идеја не доби поддршка во Ф1-комисијата, во која членуваат Берни Еклстоун, ФИА, тимовите, спонзорите и промотерите. Наместо тоа во следните неколку дена ќе има електронско гласање за да се комплетира планот.