Мерцедес поднел жалба поради казната на својот пилот Нико Розберг, кој доби 10 секунди плус на времето со кое ја заврши трката на „Силверстон“ и со кое од втората позиција падна на третото место зад Марк Ферстапен. Притоа Розберг падна на втората позиција во генералниот пласман со еден бод помалку од тимскиот колега Луис Хамилтон (168-167).
Причината е недозволена комуникација со боксот за време на трката. Германецот ги прашал своите луѓе како да го реши проблемот со менувачот кој „запнуваше“ во седмиот степен на пренос на десеттина кругови пред крајот.
Но од Мерцедес одлучија да се жалат на одлуката на судиите на ФИА затоа што сметаат дека е апсурдна. Сега ќе го чекаат одговорот.