Шансите на Мејнор Ф1 да ја почне сезоната 2017 се се помали откако се тврди дека тимот има само една недела да најде купувач. „Џаст рејсинг сервисис“, компанијата која го води тимот, влезе во стечај минатата недела откако не успеаја да најдат инвеститор.
И покрај незавидната ситуација, болидот за 2017 година веќе се изработува во седиштето во Банбјури, но доколку тимот замине во стечај, нема да може да се произведуваат делови бидејќи се блокирани сите дополнителни трошоци на тимот освен основното исплаќање на платата. Според „Аутоспорт“, Мејнор мора да најде нов сопственик до 20 јануари.
Техничкиот директор на тимот, Џон Меккилијам, е последната надеж на тимот откако се потврди дека тој уште е во Банбјури и покрај извештаите дека си поднел оставка како директор на Мејнор ГП на 30 декември. 54-годишниот Меккилијам е во тимот од времето кога тој беше познат како Вирџин Рејсинг, приклучувајќи се како главен дизајнер на почетокот на 2009 година, пред во февруари 2015 да стане технички директор. Се верува дека тој има врски со американскиот бизнисмен Таво Хелмунд (кој беше клучен човек во враќањето на Ф1 во САД со Американското ГП во Остин), кој уште е заинтересиран да го преземе тимот.